Mara Haugen, fiolin
Morten Norheim, saksofonar
Martha Berit Belt, piano

Ved hjelp av litt alkymi og eit umedvite sinn kan ein befinna seg mellom ei verkeleg verd og ein alternativ realitet.
Med fantasifull leik mellom instrumenta formidlar Ensemble Eon eit nytt og spesialskrive verk for trioen av Marcus Paus.

Stykket er inspirert av maleri av den surrealistiske spansk-meksikanske kunstnaren Remedios Varo. Transformerande ensembler inni ensemblet, berika med augneblinkar kor kvart instrument vert gjort om til solist, omskapar den tradisjonelle kammermusikken og drar lyttaren inn i ei illusorisk verd.

Publikum vil og få oppleva nyskrivne komposisjonar av dei bergensbaserte komponistane Emiliano Orz og Francisco Corthey, samt verk av norske Sverre Indris Joner og Marius Neset.

Musikken spenner vidt med energifylte rytmar, dansande samspel og lyriske melodiar, som tidvis utforskar eit meir moderne og eksperimentelt uttrykk.